skip_to_content
Vendredi 26 avril 2024
Artikuss
Spectacles
Theater

LU
Wéi sollt d'Melusina sech fillen, wann et haut liewe géif? Wär hatt eis Grand-Duchesse oder éischter eng Influencerin, déi eis Massage-Ueleg verkafe wéilt?

Wie wär säi Sigfrid? Den Heng, de Xav, de Serge Tonnar oder iewer de Flavio Becca? An eigentlech hätt et schonn deemools vill léiwer de Sigfrid aus der Nibellungeso gehat, dee géint d'Draache gekämpft huet an ee reegelrechte Playboy war, wéi säi Langweiler vu Feelen, deen him eng ongehëtzt Buedkummer als Prisong op engem verloossene Fiels gebaut hat. Oder wär säi Sigfrid um Enn dach éischter ee Sigfrida?

A ganz bestëmmt wéilt hatt och net just all 7 Joer eng Kéier opdauchen a verzweifelt op een Erléiser hoffen, mee hatt wéilt säi Liewen a vollen Zich genéissen, sangen, danzen a feieren, an ni méi un d’Verspriechen an un d’Schwier vun de Männer gleewen.

Am Joer 2024 brauch Lucilinburhuc definitiv ee Fraekabaret, deen op der Héicht vun der Zäit Stellung zur Lag vun eiser Bommeleeër∙innen-Natioun hëlt. D’Melusinnen erfëlle mat sprëtzeg-frechem Sproochwitz an enger gewoter, feminin-feministescher Büneshow all Är geheimste Wënsch a wëllsten Dreem.

Et spillen Véronique Kinnen, Noémie Leer, Géraldine Posing, Isabel Bib Wolff

Live-Musiker: Pierre Brouant, John Wolter

Texter : Josiane Kartheiser, Christiane Kremer, Noémie Leer, Roland Meyer
Musek : Noémie Leer, Georges Urwald
Regie : Roland Meyer
Assistenz : Bruna Gorza
Choreographie: Nathalie Moyen
Aspillungen: Christophe Birgen

DE
Im Jahr 2024 braucht Lucilinburhuc unbedingt ein Frauenkabarett, das zeitgemäß Stellung zur Situation unserer Bommeleeër∙innen-Nation bezieht. Mit witzigen und frechen Sprachwitzen und einer gewagten, feminin-feministischen Bühnenshow erfüllen D‘Melusinnen alle Ihre geheimen Wünsche und wildesten Träume.