LU
Héich uewen am Liichträich waarden all d’Deeg drop, endlech eemol op d’Äerd ze reesen. Jidderee kritt nëmmen eng eenzeg Chance! Och de klengen Dag dreemt dovun, eppes Grousses ze erliewen – vläicht eng Heldentat oder eng weltbeweegend Entdeckung.
Mee wéi säi grousse Moment den 23. Abrëll kënnt, geschitt anscheinend näischt Besonnesches. Hie gesäit Kanner spillen, en Ëmzuch a Mënschen, déi sech erëm versönen. Am Ufank ass hien enttäuscht, mee da léiert hien e wonnerschéint Geheimnis kennen: Heiansdo ass en Dag grad dofir esou wäertvoll, well e voller Fridden a klenge Glécksmomenter ass.
Dat erwaart iech:
„De klengen Dag“ ass e zauberhaft Musical mat de maträissende Lidder vum Rolf Zuckowski a senge Frënn. Eng Geschicht voller Häerz an Humor, déi eis weist: Du muss net grouss sinn, fir eppes ganz Besonnesches ze bewierken.
Kommt mat op d’Rees duerch d’Liichträich an entdeckt de Zauber vun de klenge Saachen!
Infos: email hidden; JavaScript is required
Tickets: Site Facebook AMARE (quelques semaines avant le spectacle)